مؤدبه ولكن؟؟
07-14-2004, 09:20 PM
يعني اول شي مانقلت الموضوع هذا الا لاني اول ما قريته فطست من الضحك وقليله فطست
تشققت من الضحك وماني باخله عليكم به
يقول
بسم الله الرحمن الرحيم
السلام عليكم ورحمة الله وبركاته
اييييييييييييييه يالزمن
اييييييه يالقهر.. الحين وش اسوي... لي اسبوعين معطله.. وماعندي شغل..حتى كتب السنه الجايه مخلصه بالمكتبات.. والا كان ذاكرت لي حرفين.. يفيدنن
جالسه احوس بشعري.. ادور شي اتلهى فيه.. واخلط مابين فكس.. وفازلين وليمون.. اطلع خلطات لعل وعسى يصلح شي << انتي يالله اسيد.. والا قنابل وعساك تصلحييين
دق جوالي طيييط طييييييييط
الرساله رقم0001 <<حتى بالرقم جحادة
سددي لانتوطى ببطنك.. لانك جد جد مصختيهاااا
عمى من وين لي اسدد,.. والا احب ماعلى قلبي يوم ارسل مسجات لخلق الله ويدقون ثم استهبل عليهم .. كني عجيز مضيعه ههههههههههههه << الله يخلف
جت ثانيه
قلت شوفوا ماراح نسدد... وموب فاتحه الرساله
اقولكم موب فاتحتها..
ناظرت الجوال.. وودي افتح الرساله..ودار حوار بيني وبين نفسي
(( بس انا وعدت نفسي ما افتح الرساله ))
= طيب اول مره تخلفين وعدك.. مهوب شي جديد
(( بس الحريم عند كلمتهم ))
= انا بزر وماينشره علي .. تعال يالجوال بسسس
وافتح وش القى
توقعوا
بس شوي
لا غلط
لقييييييييييييييت
((((( شما.. تراي عازمتكم على عرس ولد خالتي.. والبطاقه بيجيبها السواق بعد شوي ))))))
واااااااااااااو عرررررررس عرررررررررررررررررس
وانا اقول مافي امل احضر عرس...مافي امل اتكشخ..
مافي امل اقول يوم عن حرمه تشوفني اكيييد اعجبتها.. خل تجي تخطب.. بقول انتوا مو من مستوانا .. واتلذذ وانا اشوف الخاطب يقول يرحم امك .. مستقبلي راح يضيع.. والف عليه بحركة دائرية واقول : خسئت يا ابن ابي عتبه <<< عشم ابليس بالجنه
نزلت لامي طيرااااااااااااان
يمه يمه يمه عررررررررررس
والله عرس اقسم بالله عررررررررررررس
اخيررررررررررا
ناظرتني وقلت: يالسبهه اركزي خل افهم
يمه معزومين.. المهم شرحت لها الوضع.. وبديت اعدل عمري
لان الناس ذولا قبيلة كبيرة وراعين سنع.. ولا العرس عائلي بعد.. بس تتوقعون ان البنت معجبه فيني وعزمتني << الا ودها تلقى شي تضحك عليه
رحت حطيت طماط على عيوني.. وتروشت.. وقلت لامي
ابي اروح كوافيرا
قالت: انطقي مافي كوافيرات ..كدي ذا الشوشه وبسسس
يمه ابي انخطب ( تراي اخطط على واحد من ذا القبيله بالتحديد من زمااااااان )
طبعا طبعا وشي مؤكد وبلا فخــــــر طردتني
لكن نشبت بـ ### <<للكبار فقط ... الييين عرفت ان الله حق وخلتني اروح
زينت ذا الشوشه.. وعدلت ذا الخشه.. وياارض هدي ماعليك قدي
دخلنا اثر العالم حاطين عطورات ومباخر عند الباب.. قلت : لو سمحتي على كم هذا.. وانا قاعدة ارش منها
جرتني امي قالت: يالشينه يالمعفنه ياقوطي الصلصه ..هذا تتبخرين منه وترشين
= والله اجل اذا طلعنا باخذ لي وحده ..عطري مخلص
اخذنا لنا كرسي.. وجت بنت الناس وسلمت علي...
وخذ يابلع بالقهوه والشاهي والفطاير يمي يمي.. صدق العز زييييييييييييييييين
الحين فطاير " المسعد " <<<ا سم المحل اللي عندن.. وابشركم كل الحارة تمدح فيه بعد
عاااي عااااااااادي جدا تلقى حشرات غير مصنفه طبيعيا معهاااا
وكل مارقص احد صفقت لهم.. وكل شوي اقول لامي سمي وش بغيتي
والا انط على راسها احبه يعني تراني سنعه.. وانا من جمب القده
وشوي اطيح خصله على شعري.. واقوول يوووووووه ياهو ازعااااااج الشعر الناعم <<تتأمل خلوها على راحتهاااامي تتحمد العافيه.. تدري ماعلي شرهه قالت لي البنت تعالي ارقصي وليتهااااااااااا ماقالت
نشبت لهم وكل شوي ابي رعبوب.. لو سمحتوا من يزعلها لعبدالمجيد.. واقلقت اهلهم..
لقيت وحده تبي تطلب قلت : بس معليش خلوا شغل القبايل حقكم عقب وش دخل ام امي باخوك طلال ... بالله ذي كلمات
وطلال لاحزم راسه ياويل عداه ياناااسه..
ومحمد طار باردوه كنسرهم لا انكسر عوده
نعبنوكم استحوا.. العالم في حالة ارهاب وانتم بارود مابرود.. معذورين والله عيالنا اللي من يطلع وامه ترقص على بواريده
ناظرتني وقالت وانا اشهد... ماقصرتي وعساك سالمه.. انتي فخر للامه ومثلك قليل في ذا الزمن
قلت كوويس يعني الحين متفقين.. عشان كذا الله لايهينك ازحفي شوي... بطلب تهددني حقت نوال
وتسنها حقدت...
امي تأشر لي يابنت اركدي..
ايهين اركد..ماصدقت على الله طبووول ورقص
اييييييييوه وررررررى وررررررررررى..عاشـــــوووووا ... على قلبي.... على قلبي.. ياهوووووووووه
<<استنزلت صدق....
على فكرة..تراني اذا رقصت الطقاقه تقول لكل الحريم على قلبي يااخضر او اصفر او ازرق.. الا انا اسود .. مع انه ملك الألوان.. بس الدنيا حظوظ.. اوريها ذا العبده
قالوا..تغطوا ياحريم قلت : وناااااااااااااااااسه رجاجيل.. يمه رجاجيل.. وين العباة... <<الغطى الشي الوحيد اللي يحسسها انها انثى
قالت لي: انطقي نعبنوتس مااحد يشوف وجهك المعرس بيطلق مرته.. تغطي رأفه بحال حريمهم بس
شوي
ويدخل واحد.. انا قلت كذا 00 مفتحه عيوني تقل هبلى
وكم مر من الوقت وانا على ذا الحال مدري
يهبببببببببببببببببببببببببببببببل.... رووووووووووووووووووعه.. مزيوووووووووووووون...... كل شي هو
ماحسيت بعمري الا امي تقول ويــــــــــــــن ؟
قلت: بروح استنزل معه.. وش حيثهن ذولي يرقصن..اذا خواته طيب انا بصير مرته
يمه ياحبي لك.. ربي يحبك.. الله يدخلك الجنه.. زوجيني اياااااااااه.. طلبتك ... بس يوم.. برقص معه وعقبها ماابيه
<<يالتسذوووووووووبه..ان حصل قلتي العصمه بيدي من الشفاحه
وهي تمسك فيني.. شوي قلت خلاص بركد
واجلس انتظر.. يوم خلصت الرقصه... ويبدون يسلمون عليه... اثره اخو المعرسه. .. وانا اناظرهم اقول يعني لازم تقهروني روحوا سلموا عليه هناك موب قدامي...
عقبها قعدت اهتف واقول عاوزين ثانيه عاوزن ثانيه.. والله وتضبط ويطلع ازين واحد بالدنيا ويرقص مره ثانيه
رقص العن من اللي قبل شوي.. انا عجزت اضبط روحي وقعدت ارقص بالكرسي... وصرت انا اللي اقول على قلبي هالمره...
وغنوا باسمه " عبدالله " يااااااااااااااااي شي ذا الأسم.. يهبببببببببل مووووووووووووت
وعبوودي رايح رايح.. بقول له عبودي بكرى.. وبيرد علي سمي قلبي <<خلاص تزوجته
يوم خلص وطلع عطيت امي عباتي.. وجلست تلف فيها اربع مرات
قلت يوووووووووووووه.. يمه وش فيك
قالت: حلووو ماشاء الله
قلت: شوفي خلينا على السليم... اللي اوله شرط اخره نور.. انا لقيته قبلك .. وشغل المراهقين خليه لغيرك.. انتي اعرستي وش تبين ................... الا صدق يمه متى اعرس؟
قالت لي: تقذرفي
وحاولت اسوي فيها ملكعه عشان عبودي بعدين قلت لامي: حتندم ياقمييييييييييييل.. وعطيتها غمزة
مادريت الا فنجال الشاهي باللي فيه بوجهي.........
طبعا متعودة..وشي غير مسبوق على ام خالد
فكرت بالخطه 5 4 3 وقلت.. الحين لو دخل مره ثانيه.. بخليهم يشغلون آه ونص.. واسوي زي نانسي.. بس ماعندي ثوب يصلح.. ثوبي مسكر
موب مشكله... اقول قارصني نامس.. وعندي حساسيه بسيقاني من الثياب ههههههههههههههه فكرة داجه ادري
لذلك بديت انفذ الخطه 4 4 2 .. وهي اني اشبك وحده من خواته
يوم دخلنا نتعشى قلت الحين بروح انط معها واقول امري شبيك لبيك... بس زوجيني اخوك .. وعلميني لييييييييييه انتي شيفه وهو قمر !!
وقفت جمبها اسوي نفسي مو مشتهيه والأكل مو رايق.. مع ان سعابيلي تقوطر على التبوله
شوي لفت علي وقالت: ممكن صحن الزلطه لو سمحتي
خخخخخخخخخخخخخخخخخخخخخخخخخخ
كعيتها ضحكة بنت كلب.. بس بعدين قلت زلطه زلطه ومالـــــووو
رحت اخذت لي كم حبة كوسه محشي... وشوية مصقعه.. مع شوية مشاوي.. وبلح الشام وكيك.. خبركم لازم اسوي فيها بريستيج قدامهم... خخخخ
سويت نفسي مالقيت طاوله وانا حول طاولة اهل عبودي
جت حرمه قالت لبنتها قومي خل البنت تجلس
قلت معليش خاله خليها صغيره خل ترزز.. من قال ابي اجلس معك
المهم والف على ام عبدالله.. قلت ممكن خاله اجلس معكم..
طبعا بدون ما انتظر رد جريت الكرسي وجلست
وابدى اكل شوي شوي.. واقول يووووووه مالي نفس...
جت امه تسولف وقالت انتي تدرسين.. قلت ايه.. بثالث مستوى جامعه
دردشت معي شوي.. بعدين قالت والكلام للعموم..
والله ودنا بعروس لـ عبدالله... بس نبيها راعية سنع.. وقرمه
انا سمعت الكلمه اولا ماسمعتهااا قلت: الحين ياخاله اذا خلصنا كل واحد يشيل صحنه.. تراني من زماان ماجيت عروس <<<تبي تسوي نفسها زينه خربت الدنيا
ونخلص عشا.. وانا اتميلح... واقوم ارتب الطاولات والكراسي...
واقول للحريم برقعك مايل.. انتي ترى فيه شي عالق بـ ثوبك..
انزل البزارين عن المنصه.. واسوي درب لـ خالتي ام عبدالله...
والقط القراطيسسسس
حتى مره وخالتي واقفه قمت نزلت عند رجوله قالت: يابنت وش تسوين
قلت نمله بغيتي تدعسينه... خفت تلوث جزمتك بالدم حقهاااا <<شف النصب
المهم زانت العلاقات وقامت الخاله تتشرط تسني عبدة من عبيدهااا <<وفرحــانه بعد
شوي قالت تعالي ابيك معي..
قلت والله وقام حظك يا شماااااااااااااا
ودتي لغرفة الأطفال.. وقالت هذا ولدي الصغير عبدالعزيز.. اجلسي عنده اخاف يقوم..
جلست.. وقلت نعبنوهم مالهم نيه
قمت اخذت ورقة وقلم وكتبت...
شما عبدالرحمن محمد سعد سعود فلاح.... إلخ
رقم الهاتف: 400254
انا اللي كنت معكم بالعرس القرمه.. وترى اهلى مالهم شروووووووووط ابددد ابدددد
رجعنا البيت وقمت اسهر الليالي.. افكر بعبوودي
واسنتر عند التلفووون
يوم.. يومين.. ثلاااااااااااااثه
انتظر احد يدق.. واذا نمت قلت يمه مااحد دق يطلب قرمه
امي كذا تصير>>>>>>>>
اقول.. تهقون مالقوا الورقة.. والا جحدوني عقب مانظفت لهم القصر ولعبت بزارينهم
ماراح اعرس على عبدالله يعني !!!!
والنهايه بدون نهايه لووووووووووووول
منقووووووووووووووووووووووووووووووووووووووووووووووو
وووووووووول
تشققت من الضحك وماني باخله عليكم به
يقول
بسم الله الرحمن الرحيم
السلام عليكم ورحمة الله وبركاته
اييييييييييييييه يالزمن
اييييييه يالقهر.. الحين وش اسوي... لي اسبوعين معطله.. وماعندي شغل..حتى كتب السنه الجايه مخلصه بالمكتبات.. والا كان ذاكرت لي حرفين.. يفيدنن
جالسه احوس بشعري.. ادور شي اتلهى فيه.. واخلط مابين فكس.. وفازلين وليمون.. اطلع خلطات لعل وعسى يصلح شي << انتي يالله اسيد.. والا قنابل وعساك تصلحييين
دق جوالي طيييط طييييييييط
الرساله رقم0001 <<حتى بالرقم جحادة
سددي لانتوطى ببطنك.. لانك جد جد مصختيهاااا
عمى من وين لي اسدد,.. والا احب ماعلى قلبي يوم ارسل مسجات لخلق الله ويدقون ثم استهبل عليهم .. كني عجيز مضيعه ههههههههههههه << الله يخلف
جت ثانيه
قلت شوفوا ماراح نسدد... وموب فاتحه الرساله
اقولكم موب فاتحتها..
ناظرت الجوال.. وودي افتح الرساله..ودار حوار بيني وبين نفسي
(( بس انا وعدت نفسي ما افتح الرساله ))
= طيب اول مره تخلفين وعدك.. مهوب شي جديد
(( بس الحريم عند كلمتهم ))
= انا بزر وماينشره علي .. تعال يالجوال بسسس
وافتح وش القى
توقعوا
بس شوي
لا غلط
لقييييييييييييييت
((((( شما.. تراي عازمتكم على عرس ولد خالتي.. والبطاقه بيجيبها السواق بعد شوي ))))))
واااااااااااااو عرررررررس عرررررررررررررررررس
وانا اقول مافي امل احضر عرس...مافي امل اتكشخ..
مافي امل اقول يوم عن حرمه تشوفني اكيييد اعجبتها.. خل تجي تخطب.. بقول انتوا مو من مستوانا .. واتلذذ وانا اشوف الخاطب يقول يرحم امك .. مستقبلي راح يضيع.. والف عليه بحركة دائرية واقول : خسئت يا ابن ابي عتبه <<< عشم ابليس بالجنه
نزلت لامي طيرااااااااااااان
يمه يمه يمه عررررررررررس
والله عرس اقسم بالله عررررررررررررس
اخيررررررررررا
ناظرتني وقلت: يالسبهه اركزي خل افهم
يمه معزومين.. المهم شرحت لها الوضع.. وبديت اعدل عمري
لان الناس ذولا قبيلة كبيرة وراعين سنع.. ولا العرس عائلي بعد.. بس تتوقعون ان البنت معجبه فيني وعزمتني << الا ودها تلقى شي تضحك عليه
رحت حطيت طماط على عيوني.. وتروشت.. وقلت لامي
ابي اروح كوافيرا
قالت: انطقي مافي كوافيرات ..كدي ذا الشوشه وبسسس
يمه ابي انخطب ( تراي اخطط على واحد من ذا القبيله بالتحديد من زمااااااان )
طبعا طبعا وشي مؤكد وبلا فخــــــر طردتني
لكن نشبت بـ ### <<للكبار فقط ... الييين عرفت ان الله حق وخلتني اروح
زينت ذا الشوشه.. وعدلت ذا الخشه.. وياارض هدي ماعليك قدي
دخلنا اثر العالم حاطين عطورات ومباخر عند الباب.. قلت : لو سمحتي على كم هذا.. وانا قاعدة ارش منها
جرتني امي قالت: يالشينه يالمعفنه ياقوطي الصلصه ..هذا تتبخرين منه وترشين
= والله اجل اذا طلعنا باخذ لي وحده ..عطري مخلص
اخذنا لنا كرسي.. وجت بنت الناس وسلمت علي...
وخذ يابلع بالقهوه والشاهي والفطاير يمي يمي.. صدق العز زييييييييييييييييين
الحين فطاير " المسعد " <<<ا سم المحل اللي عندن.. وابشركم كل الحارة تمدح فيه بعد
عاااي عااااااااادي جدا تلقى حشرات غير مصنفه طبيعيا معهاااا
وكل مارقص احد صفقت لهم.. وكل شوي اقول لامي سمي وش بغيتي
والا انط على راسها احبه يعني تراني سنعه.. وانا من جمب القده
وشوي اطيح خصله على شعري.. واقوول يوووووووه ياهو ازعااااااج الشعر الناعم <<تتأمل خلوها على راحتهاااامي تتحمد العافيه.. تدري ماعلي شرهه قالت لي البنت تعالي ارقصي وليتهااااااااااا ماقالت
نشبت لهم وكل شوي ابي رعبوب.. لو سمحتوا من يزعلها لعبدالمجيد.. واقلقت اهلهم..
لقيت وحده تبي تطلب قلت : بس معليش خلوا شغل القبايل حقكم عقب وش دخل ام امي باخوك طلال ... بالله ذي كلمات
وطلال لاحزم راسه ياويل عداه ياناااسه..
ومحمد طار باردوه كنسرهم لا انكسر عوده
نعبنوكم استحوا.. العالم في حالة ارهاب وانتم بارود مابرود.. معذورين والله عيالنا اللي من يطلع وامه ترقص على بواريده
ناظرتني وقالت وانا اشهد... ماقصرتي وعساك سالمه.. انتي فخر للامه ومثلك قليل في ذا الزمن
قلت كوويس يعني الحين متفقين.. عشان كذا الله لايهينك ازحفي شوي... بطلب تهددني حقت نوال
وتسنها حقدت...
امي تأشر لي يابنت اركدي..
ايهين اركد..ماصدقت على الله طبووول ورقص
اييييييييوه وررررررى وررررررررررى..عاشـــــوووووا ... على قلبي.... على قلبي.. ياهوووووووووه
<<استنزلت صدق....
على فكرة..تراني اذا رقصت الطقاقه تقول لكل الحريم على قلبي يااخضر او اصفر او ازرق.. الا انا اسود .. مع انه ملك الألوان.. بس الدنيا حظوظ.. اوريها ذا العبده
قالوا..تغطوا ياحريم قلت : وناااااااااااااااااسه رجاجيل.. يمه رجاجيل.. وين العباة... <<الغطى الشي الوحيد اللي يحسسها انها انثى
قالت لي: انطقي نعبنوتس مااحد يشوف وجهك المعرس بيطلق مرته.. تغطي رأفه بحال حريمهم بس
شوي
ويدخل واحد.. انا قلت كذا 00 مفتحه عيوني تقل هبلى
وكم مر من الوقت وانا على ذا الحال مدري
يهبببببببببببببببببببببببببببببببل.... رووووووووووووووووووعه.. مزيوووووووووووووون...... كل شي هو
ماحسيت بعمري الا امي تقول ويــــــــــــــن ؟
قلت: بروح استنزل معه.. وش حيثهن ذولي يرقصن..اذا خواته طيب انا بصير مرته
يمه ياحبي لك.. ربي يحبك.. الله يدخلك الجنه.. زوجيني اياااااااااه.. طلبتك ... بس يوم.. برقص معه وعقبها ماابيه
<<يالتسذوووووووووبه..ان حصل قلتي العصمه بيدي من الشفاحه
وهي تمسك فيني.. شوي قلت خلاص بركد
واجلس انتظر.. يوم خلصت الرقصه... ويبدون يسلمون عليه... اثره اخو المعرسه. .. وانا اناظرهم اقول يعني لازم تقهروني روحوا سلموا عليه هناك موب قدامي...
عقبها قعدت اهتف واقول عاوزين ثانيه عاوزن ثانيه.. والله وتضبط ويطلع ازين واحد بالدنيا ويرقص مره ثانيه
رقص العن من اللي قبل شوي.. انا عجزت اضبط روحي وقعدت ارقص بالكرسي... وصرت انا اللي اقول على قلبي هالمره...
وغنوا باسمه " عبدالله " يااااااااااااااااي شي ذا الأسم.. يهبببببببببل مووووووووووووت
وعبوودي رايح رايح.. بقول له عبودي بكرى.. وبيرد علي سمي قلبي <<خلاص تزوجته
يوم خلص وطلع عطيت امي عباتي.. وجلست تلف فيها اربع مرات
قلت يوووووووووووووه.. يمه وش فيك
قالت: حلووو ماشاء الله
قلت: شوفي خلينا على السليم... اللي اوله شرط اخره نور.. انا لقيته قبلك .. وشغل المراهقين خليه لغيرك.. انتي اعرستي وش تبين ................... الا صدق يمه متى اعرس؟
قالت لي: تقذرفي
وحاولت اسوي فيها ملكعه عشان عبودي بعدين قلت لامي: حتندم ياقمييييييييييييل.. وعطيتها غمزة
مادريت الا فنجال الشاهي باللي فيه بوجهي.........
طبعا متعودة..وشي غير مسبوق على ام خالد
فكرت بالخطه 5 4 3 وقلت.. الحين لو دخل مره ثانيه.. بخليهم يشغلون آه ونص.. واسوي زي نانسي.. بس ماعندي ثوب يصلح.. ثوبي مسكر
موب مشكله... اقول قارصني نامس.. وعندي حساسيه بسيقاني من الثياب ههههههههههههههه فكرة داجه ادري
لذلك بديت انفذ الخطه 4 4 2 .. وهي اني اشبك وحده من خواته
يوم دخلنا نتعشى قلت الحين بروح انط معها واقول امري شبيك لبيك... بس زوجيني اخوك .. وعلميني لييييييييييه انتي شيفه وهو قمر !!
وقفت جمبها اسوي نفسي مو مشتهيه والأكل مو رايق.. مع ان سعابيلي تقوطر على التبوله
شوي لفت علي وقالت: ممكن صحن الزلطه لو سمحتي
خخخخخخخخخخخخخخخخخخخخخخخخخخ
كعيتها ضحكة بنت كلب.. بس بعدين قلت زلطه زلطه ومالـــــووو
رحت اخذت لي كم حبة كوسه محشي... وشوية مصقعه.. مع شوية مشاوي.. وبلح الشام وكيك.. خبركم لازم اسوي فيها بريستيج قدامهم... خخخخ
سويت نفسي مالقيت طاوله وانا حول طاولة اهل عبودي
جت حرمه قالت لبنتها قومي خل البنت تجلس
قلت معليش خاله خليها صغيره خل ترزز.. من قال ابي اجلس معك
المهم والف على ام عبدالله.. قلت ممكن خاله اجلس معكم..
طبعا بدون ما انتظر رد جريت الكرسي وجلست
وابدى اكل شوي شوي.. واقول يووووووه مالي نفس...
جت امه تسولف وقالت انتي تدرسين.. قلت ايه.. بثالث مستوى جامعه
دردشت معي شوي.. بعدين قالت والكلام للعموم..
والله ودنا بعروس لـ عبدالله... بس نبيها راعية سنع.. وقرمه
انا سمعت الكلمه اولا ماسمعتهااا قلت: الحين ياخاله اذا خلصنا كل واحد يشيل صحنه.. تراني من زماان ماجيت عروس <<<تبي تسوي نفسها زينه خربت الدنيا
ونخلص عشا.. وانا اتميلح... واقوم ارتب الطاولات والكراسي...
واقول للحريم برقعك مايل.. انتي ترى فيه شي عالق بـ ثوبك..
انزل البزارين عن المنصه.. واسوي درب لـ خالتي ام عبدالله...
والقط القراطيسسسس
حتى مره وخالتي واقفه قمت نزلت عند رجوله قالت: يابنت وش تسوين
قلت نمله بغيتي تدعسينه... خفت تلوث جزمتك بالدم حقهاااا <<شف النصب
المهم زانت العلاقات وقامت الخاله تتشرط تسني عبدة من عبيدهااا <<وفرحــانه بعد
شوي قالت تعالي ابيك معي..
قلت والله وقام حظك يا شماااااااااااااا
ودتي لغرفة الأطفال.. وقالت هذا ولدي الصغير عبدالعزيز.. اجلسي عنده اخاف يقوم..
جلست.. وقلت نعبنوهم مالهم نيه
قمت اخذت ورقة وقلم وكتبت...
شما عبدالرحمن محمد سعد سعود فلاح.... إلخ
رقم الهاتف: 400254
انا اللي كنت معكم بالعرس القرمه.. وترى اهلى مالهم شروووووووووط ابددد ابدددد
رجعنا البيت وقمت اسهر الليالي.. افكر بعبوودي
واسنتر عند التلفووون
يوم.. يومين.. ثلاااااااااااااثه
انتظر احد يدق.. واذا نمت قلت يمه مااحد دق يطلب قرمه
امي كذا تصير>>>>>>>>
اقول.. تهقون مالقوا الورقة.. والا جحدوني عقب مانظفت لهم القصر ولعبت بزارينهم
ماراح اعرس على عبدالله يعني !!!!
والنهايه بدون نهايه لووووووووووووول
منقووووووووووووووووووووووووووووووووووووووووووووووو
وووووووووول